كتب تايلندي اسمر الخبير في مجال التطبيقات حول مشكلة الشاشة البيضاء في تطبيق بنكك
نص المقال
حل مشكلة الشاشة البيضاء في تطبيق بنكك في ناس اشتكت بالذات المناطق المافيها اي شبكات اتصال شغالة بالتحديد الجزيرة
المشكلة دي اساسا هي نوع من انواع الامان تطبيق بنكك بشيل معلومات الشبكة والشريحة عشان يعرف انك ما داخل من محاكي
يعني اول ما التطبيق تفتحو بقوم بمشي بشوف في شريحة ؟ وتاني بشوف نوع الشبكة حقت الاتصال
يلا حاليا طبعا في الجزيرة شبكات اتصال ماف يعني بتركب شريحة بس بتديك طوارئ
المزيد من المشاركات
والناس داخلة نت بي استار لنك يقوم بنكك ما بشتغل في اجهزة الاندرويد عموما بي سبب انو في معلومات ناقصة
ف الحل الاتي مجرب وناس زبط معاهم
✅ تكون مركب شريحة حتى لو قاطعة شبكة
✅ تقلب لغة الجهاز لو عربي تبقي انجليزي والعكس لو انجليزي تبقي عربي
✅ تمشي تطبيق بنكك تفتحو
ان شاء الله بزبط معاك 🌹❤️
#تايلندي_اسمر
التعليقات مغلقة.