متابعات : الأحداث نيوز
قال الفريق أول ركن شمس الدين كباشي نائب القائد العام للجيش السوداني، إن معسكرات المقاومة الشعبية يجب أن لا تستغل لأغراض سياسية، ومن يحمل لافتة سياسية لا يدخل معسكرات وممنوع التصوير داخل داخل المعسكرات من اليوم.
وأشار كباشي خلال مخاطبته تخريج قوات من حركة تحرير السودان، بالقضارف اليوم إلى أن الحرب هي استثناء، والأصل هو السلام، وأضاف “لكن السلاح ما بنخته، عشان كدة بنقول أي دعوة صادقة للسلام ما عندنا فيها مشكلة، لكن ما بنوقف حرب وما في هدنة زي السابق”.
المزيد من المشاركات
وتابع “شاكرين لكل الجهود البقوموا بيها الوطنيين في الداخل والأصدقاء في الخارج، لكن أي زول عنده جهد يمشي يجيب له صك من المتمردين ويتفقوا معاهم على آليات محاسبة لتعويض الناس الشالوا حاجاتهم كلهم، وخروجهم من البيوت والمدن والمؤسسات، وما في حاجة اسمها عفا الله عمّا سلف، سلام زي دة بنقبلوا وبنمشي فيه، ولحدي ما دة يحصل حرب بس وبندبِّل ليه وما في تأخير نحن مستعجلين”.
وأكد أهمية المقاومة الشعبية، وأعلن عن ضوابط جديدة وقانون بصدد الصدور فيما يتعلق بالمقاومة الشعبية، وأشار إلى ان التسليح داخل المعسكرات بتاعت الجيش وبالتسجيل وبإشراف الجيش، وأي زول مافي معسكر بتاع جيش يتسحب منه السلاح فوراً.
وأضاف “يجب أن لا تُستغل معسكرات المقاومة الشعبية في أي مكان، ويجب أن لا تتحول لسوق سياسي. أي سياسي عاوز يدخل المعسكرات يجي بجلابية الوطن وأي زول يجي بشعار سياسي أو لافتة سياسية لا يدخل المعسكرات وهي غير مقبولة، ولا يحب أن يُرفع شعار أو يافطة غير شعار القوات المسلحة”.
وتابع “ممنوع أي تصوير داخل معسكرات المقاومة الشعبية مع شعارات ورايات غير تلك الخاصة بالقوات المسلحة، القصة ما لعب ونحن ما في فيلم ولا سباق ونقول الكلام دة بوضوح”.
التعليقات مغلقة.